ഒരു കുട്ടിയുണ്ടായിരുന്നു സംഗീതം ഒട്ടുമേ ഇഷ്ടമേയല്ലാത്ത ഒരു കുട്ടി .വിശേഷദിനങ്ങളിലെ പള്ളിപ്പാട്ടുകളിൽ നിന്ന് രക്ഷതേടാൻ തൂണുകൾക്കിടയിൽ അവൻ ഒളിച്ചു നിന്നു .
വിചിത്രസംഗീതത്തിനു ചുവടുവച്ചു എല്ലാകുട്ടികളും പൈഡ് പൈപ്പറുടെ പിന്നാലെ പോയപ്പോഴും കുട്ടി മരങ്ങൾക്ക് പിന്നിൽ ഒളിച്ചിരുന്ന് അവർ മലകടന്നു പോവുന്നത് നോക്കി നിന്നു .
പിന്നെ മറഞ്ഞുപോയ ഓരോ കുട്ടിയുടേയും കഥ അവൻ പലപ്പോഴും ഓർക്കാൻ തുടങ്ങി .
പിന്നെ പിന്നെ അവൻ കഥകളുടേയും ഓർമ്മകളുടെയുമിടയിൽ മാഞ്ഞുപോയി
